ჩვენი კომპანია 1993 წლიდან მოღვაწეობს ქართულ ბაზარზე. 2013 წელს თბილისში გაიხსნა ჩვენი საკუთარი ოფისი და კომპანიის შტატში მიღებულ იქნა საქართველოს პატენტრწმუნებული ბ-ნი მერაბ კვიმსაძე, რომელმაც მნიშვნელოვანი წვლილი შეიტანა საქართველოს ინტელექტუალური საკუთრების ეროვნული სისტემის ჩამოყალიბებასა და განვითარებაში.
საქართველოში გამოგონებაზე პატენტის მიღება შესაძლებელია განაცხადის შეტანის გზით ინტელექტუალური საკუთრების ეროვნულ ცენტრში - "საქპატენტი" (www.sakpatenti.gov.ge).
საქართველოში გამოგონების პატენტის მოქმედების ვადაა 20 წელი განაცხადის შეტანის თარიღიდან. ფარმაცევტული საშუალებების დაპატენტების შემთხვევაში, ეს პერიოდი შეიძლება გაგრძელდეს 5 წლის ვადით. ასეთ შემთხვევაში, გაიცემა დაცვის დამატებითი მოწმობა, რაც პატენტის მოქმედების ვადას აგრძელებს დამატებითი ვადით, (დაცვის დამატებითი მოწმობა - SPC).
გამოგონებაზე პატენტის გაცემის პროცედურა გრძელდება 2-დან 3 წლამდე.
მონაცემთა ბაზა საქართველოში რეგისტრირებული გამოგონების პატენტებისა და შეტანილი განაცხადების შესახებ ხელმისაწვდომია ბმულზე.
საქართველოში გამოგონებაზე პატენტის გაცემის ღირებულება დამოკიდებულია განაცხადის მოცულობასა და გამოგონების ფორმულის დამოუკიდებელი მუხლების რაოდენობაზე. გამოგონებაზე პატენტის რეგისტრაციისთვის განკუთვნილი ანგარიშსწორების შესახებ დეტალური ინფორმაციის მისაღებად საქართველოში, გთხოვთ, დაგვიკავშირდით. მოხარულები ვიქნებით დაგეხმაროთ.
განაცხადზე საქმის წარმოება, ასევე უწყებასთან შემდგომი ურთიერთთანამშრომლობა, მათ შორის, დასაბუთებული პასუხების წარდგენა ექსპერტიზის მოთხოვნის საფუძველზე, მათი წარმოშობის შემთხვევაში ხორციელდება მხოლოდ ქართულ ენაზე.
იმ პირთა ინტერესებს, რომლებიც არ არიან საქართველოს რეზიდენტები, უწყებაში წარადგენს საქართველოში რეგისტრირებული პატენტრწმუნებულები.
საკონვენციო პრიორიტეტის მოთხოვნით განაცხადის წარდგენის ბოლო ვადა საქართველოში განისაზღვრება 12 თვით, პირველი განაცხადის შეტანის თარიღიდან და 31 თვით პრიორიტეტის თარიღიდან, PCT განაცხადის საქართველოს ეროვნულ ფაზაში გადასვლის შემთხვევაში. მთავარი ნორმატიულ-საკანონმდებლო აქტი: კანონი "საპატენტო" კანონი.
გამოგონებაზე პატენტის მიღების პროცედურა საქართველოში
საქართველოში პატენტის მისაღებად განაცხადი საქართველოში უნდა შეიცავდეს შემდეგ დოკუმენტებს:
- განცხადებას პატენტის მიღების თაობაზე;
- ცნობას განმცხადებლის შესახებ (სახელი და გვარი, მისამართი);
- გამოგონების აღწერილობას, გამოგონების ფორმულას, რეფერატს, ნახაზებს (თუკი არსებობს);
- მინდობილობას, განმცხადებლის მიერ ხელმოწერილს/ბეჭედ დასმულს იურიდიული პირებისთვის (შეიძლება წარდგენილ იქნას განაცხადის შეტანის თარიღიდან 2 თვის ვადაში);
პატენტის მიღების უფლების დამადასტურებელი დოკუმენტი განმცხადებლის სახელზე, იმ შემთხვევაში, თუ ავტორი არ წარმოადგენს განმცხადებელს (შეიძლება წარდგენილ იქნას განაცხადის შეტანის თარიღიდან 2 თვის ვადაში). პრიორიტეტის მოთხოვნის შემთხვევაში:
განცხადება პრიორიტეტის მოთხოვნის თაობაზე პრიორიტეტული დოკუმენტის დამოწმებულ ასლთან ერთად (შეიძლება წარდგენილ იქნას განაცხადის შეტანის დღიდან 3 თვის ვადაში).
უწყებაში დოკუმენტების მინიმალური პაკეტის შეტანიდან ორი კვირის განმავლობაში (განაცხადი პატენტის გაცემის თაობაზე; გამოგონების აღწერილობის მსგავსი მასალები; გამოგონების გამოსახულება, თუკი აღწერილობაში არსებობს ასეთი) მიმდინარეობს განაცხადის შეტანის თარიღის დადასტურება. იმ შემთხვევაში, თუკი აკლია რაიმე სახის დოკუმენტი, განმცხადებელს ეგზავნება მოთხოვნა უწყებაში აღნიშნული დოკუმენტების წარსადგენად მიღების დღიდან 1 თვის ვადაში.
საქართველოში განაცხადი გამოგონების თაობაზე გაივლის ექსპერტიზას, რის საფუძველზეც უწყება იღებს გადაწყვეტილებას პატენტის გაცემის ან უარის თქმის შესახებ. საქართველოს კანონმდებლობის თანახმად, აღნიშნული ექსპერტიზა მოიცავს ფორმალურ ექსპერტიზას და არსობრივ ექსპერტიზას. უწყებაში განაცხადის შეტანის თარიღის დადასტურებიდან 2 თვის ვადაში, „საქპატენტი“ ატარებს ფორმალურ ექსპერტიზას, რომლის დროსაც მოწმდება განაცხადის შესაბამისობა ფორმალურ მოთხოვნებთან.
ფორმალური მოთხოვნების ექსპერტიზის დასრულებიდან 6 თვის ვადაში უწყება ატარებს არსობრივ ექსპერტიზას, რომლის დროსაც ხდება გამოგონების პატენტუნარიანობის კრიტერიუმებთან შესაბამისობის დადგენა. განაცხადზე არსობრივი ექსპერტიზის მიმდინარეობისას საქპატენტი განმცხადებელს უგზავნის:
- გადაწყვეტილებას განაცხადში აღწერილი დაცვის ობიექტის დადგენის შესახებ;
- საპატენტო კვლევის შედეგებს;
- ტექნიკის დონის შესახებ დასკვნას, სიახლის ექსპერტიზის შედეგების გათვალისწინებით;
- გადაწყვეტილებას გამოგონებაზე პატენტის გაცემის შესახებ.
ექსპერტიზის მიერ დადებითი გადაწყვეტილებისა და დადგენილი საფასურის გადახდის შემთხვევაში (პატენტის ძალაში შენარჩუნების, პატენტის გაცემისა და გამოქვეყნებისათვის) მიმდინარეობს სახელმწიფო რეესტრში რეგისტრაცია, ქვეყნდება ოფიციალურ ბიულეტენში და გაიცემა პატენტი გამოგონებაზე.
სასაქონლო ნიშანზე პატენტის მიღება საქართველოში
საქართველოს კანონმდებლობით ასევე გათვალისწინებულია სასარგებლო მოდელის რეგისტრაციის შესაძლებლობა. პატენტი სასარგებლო მოდელზე გაიცემა ექსპერტიზის შედეგების საფუძველზე, რომლის დროსაც მოწმდება ობიექტის ადგილობრივი სიახლე. სასარგებლო მოდელის ობიექტებს, რომელთა მეშვეობითაც განისაზღვრება სამართლებრივი დაცვის ფარგლები, შეიძლება წარმოადგენდეს იგივე ობიექტები, რაც განეკუთვნება გამოგონებას ანუ პროდუქტი, ხერხი, ნივთიერება, მიკროორგანიზმთა შტამები და პროდუქტის, ხერხის, ნივთიერების, მიკროორგანიზმთა შტამების გამოყენება.
სასარგებლო მოდელზე პატენტის მიღების პროცედურა საქართველოში შეადგენს1 წელს. სასარგებლო მოდელის სამართლებრივი დაცვის მაქსიმალური ვადა საქართველოში შეადგენს 10 წელს, განაცხადის შეტანის დღიდან. კომპანია „მიხაილიუკი, სოროკოლატი და პარტნიორები“ -ს სპეციალისტები მოხარულნი იქნებიან უპასუხონ ყველა თქვენ შეკითხვას, რომელიც გაინტერესებთ და გაგიწიონ მომსახურების სრული კომპლექსი გამოგონებაზე ან სასარგებლო მოდელზე პატენტის მიღების ათვის საქართველოში. დეტალური ინფორმაციის მისაღებად, გთხოვთ, დაგვიკავშირდით, თქვენთვის მისაღები ნებისმიერი ფორმით.
